About Us
അക്ഷരദേവതയുടെ ഉത്സവമായ നവരാത്രിക്കു പരിസമാപ്തി കുറിക്കുന്ന വിജയദശമി ദിനത്തിൽ തഥാഗത അക്കാഡമിയുടെ പുസ്തകശാലയായ അനുത്തര ബുക്ക്സ് പ്രവർത്തനം ആരംഭിച്ചിരിക്കുന്നു. കോഴിക്കോട് ജില്ലയിലെ തൊണ്ടയാട് ആസ്ഥാനമായി പ്രവർത്തിക്കുന്ന പുസ്തകശാലയുടെ ഉദ്ഘാടനം കേസരി വാരികയുടെ പത്രാധിപരായ ഡോ N. R. മധു നിർവഹിച്ചു. ചെറിയ ചുവടുവയ്പുകൾക്കു പോലും സമൂഹത്തെ സമഗ്രമായി പരിവർത്തനം ചെയ്യാനുള്ള ശക്തിയുണ്ട് എന്നും, അപ്രകാരം അനുത്തര എന്ന പ്രസ്ഥാനം എന്നും നിലനില്ക്കുന്ന, സമൂഹത്തെ ഉന്നതിയിലേയ്ക്കു നയിക്കുന്ന ഒന്നായി വളരട്ടെ എന്നും അദ്ദേഹം ആശംസിച്ചു.
തന്ത്ര ശാസ്ത്രത്തിലെ ഗഹനമായ വിഷയങ്ങളെ ലളിതമായ ഭാഷയിൽ നിങ്ങളിലേയ്ക്ക് എത്തിക്കുന്നതിനോടൊപ്പം തന്നെ, മറ്റു പ്രമുഖ പ്രസാധകരുടെ പുസ്തകങ്ങളും ആകർഷകമായ വിലയിൽ അനുത്തരയിലൂടെ ലഭ്യമാകും. തെരഞ്ഞെടുത്ത മികച്ച നോവലുകൾ, ആത്മകഥകൾ, ജീവചരിത്ര ഗ്രന്ഥങ്ങൾ, പഠനങ്ങൾ, യാത്രക്കുറിപ്പുകൾ, കുട്ടികൾക്കുള്ള പുസ്തകങ്ങൾ എന്നിങ്ങനെ മികച്ച ഒരു ശ്രേണി തന്നെ അനുത്തര ബുക്ക്സ് നിങ്ങൾക്കായി ഒരുക്കിയിട്ടുണ്ട്. പുസ്തകങ്ങൾക്കായി താഴെ കാണുന്ന വാട്ട്സാപ് ഉപയോഗിക്കാം. ഏവരുടേയും പൂർണ പിന്തുണ ഈ സംരംഭത്തിനുണ്ടാകണം എന്ന് അഭ്യർത്ഥിക്കുന്നു.